الرئيسيةالبوابة*اليوميةمكتبة الصورس .و .جبحـثالأعضاءالتسجيلدخول

شاطر | 
 

 عمـــــــــــــــــــــــــــــــــــــرى

اذهب الى الأسفل 
كاتب الموضوعرسالة
محمد منسى

مشرف الادبيه


مشرف الادبيه
avatar

عدد الرسائل : 181
تاريخ التسجيل : 27/08/2008

مُساهمةموضوع: عمـــــــــــــــــــــــــــــــــــــرى   الأحد نوفمبر 02, 2008 4:59 pm



هان عليك الحب ونســــيت الليالى ياللى ساكن جوا قلبى وبتجافيه

كل شئ فى الدنيا كان يخطر ييالى إلا هجرك عمرى ما فكرت فيه

إنت ناوى تنسى حبى يا حبيبى وألا إيــــه

انت ناسى وألا قلبـــى وهم متغلّب عليــــــه

دانت بين قلبك وقلبى عهد غالــــى لو تبيعه دمع عينى ح يشــتريه

كل شئ فى الدنيا كان يخطر ببالــى إلا هجرك عمرى ما فكرت فيه

عمـــــــــــــــــــــــــــــــــــــرى

********************************************

ياللى حبك أغلى عندى من عينىّ ياللى ما وريتنى منك يوم أسيّه

كل يوم فى القرب كان بيفوت علىّ فرحه غاليه بتناجيها فرحه تانيه

كل يوم كان أحلى من اليوم اللى قبله

إيه جرالك ؟؟ حتى طيفك مش بأقابله

تنسى حبى وحبى هو العمر كله؟؟؟

أشوف بعادك وأشوف قساوتك وقلبى عايش فى نور غلاوتك

وأطير وأسبق فكرى

لأحلى أيام عمـــــرى

أيامى اللى كانت بتقابــــــلك والفرح ماليها

أيامى اللى هانت على قلبك وأنا عايش ليها

وأرجع أقول تنسانى إزاى ؟؟

هو النغم بيهون ع الناى ؟؟؟؟؟

دانت بين قلبك وقلبى عهد غالى لو تبيعه دمع عينى ح يشتريه

كل شئ فى الدنيا كان يخطر ببالى إلا هجرك عمرى ما فكرت فيه

عمــــــــــــرى

*************************

صنت ودك واشتريته وانت ليه ؟؟ سبت قلبى لليالى تجور عليه ؟؟

الوداد اللى انت خنته قلبى شايفه نور وبسمه

والكلام اللى انت قلته لســـه فاكره كلمه كلمه

كل كلمه حلــــوه منك بأفتكرها وأفتــكر أيام جميله عشنا فيها

وانت مابين يوم وليله بعدت عنها خدتها من بين إيدىّ ومش لاقيها

سبتنى لوحدى أدوّر ع اللى فات

اللى راح منى وأصبح ذكريـــات

ويّا سيرتك .. ويّا حيرتى

وانت ما بتجيبش سيرتــى

قلبى يقول الآه أحلف وأقول أنساك

واللى قدرت أنساه هجرك وكتر جفاك

دانت بين قلبك وقلبى عهد غالى لو تبيعه دمع عينى ح يشتريه

كل شئ فى الدنيا كان يخطر ببالى إلا هجرك عمرى ما فكرت فيه

عمــــــــــــــــرى

********************************

المحبه والحنان والسعـــــــاده والأمانى

اللى خدهم قلبى منك خدتهم ليه منى تانى

ليه بتعمل فى اللى حبّك ليه كدا ورضيت تبيعه

ليه حرمت الورد من عطف الندى فى عيد ربيعه

والحنـــــــان اللى انت عنى بتداريه

قوللى مين فى الدنيا غيرى أولى بيه

مش ح أقولك ليه هاجرنى والبعاد صعبان علـــــىّ

خلّى قلبى يقول حكــــــــــايته للدموع اللى فى عينىّ

الحكايه اللى انت قلت لقلبـــى أول كلمه فيها

كلمه حلوه غيرت مجرى حياتى وعشت ليها

علمتنى إن حبك كل حاجه فى حيــــــــاتى

علمتنى الصبر ع الحرمان فى جنة ذكرياتى

دانت بين قلبك وقلبى عهد غالى لو تبيعه دمع عينى ح يشتريه

كا شئ فى الدنيا كان يخطر ببالى إلا هجرك عمرى ما فكرت فيه

عمـــــــــــــــــرى

*************************************
********************
******




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ساحرة القلوب

عضو جديد


عضو جديد
avatar

انثى
عدد الرسائل : 23
العمر : 78
تاريخ التسجيل : 16/10/2008

مُساهمةموضوع: رد: عمـــــــــــــــــــــــــــــــــــــرى   الإثنين نوفمبر 03, 2008 9:53 pm



حنيني وأشواقي تحملني إليك.. حبي وغرامي يدفعاني نحوك ..

وكلماتك ومشاعرك تجعلاني أتمسك بك ..

فلا تظن مجرد ظن أنني سأبتعد عنك ..

كيف للإنسان أن يبتعد عن روحه عن جسده وحبه ..


كيف لي أن ابتعد أن أتخلى عن عمري وحلمي وأحاسيسي تجاهك ..

كيف لي أن اترك أغلى ما املك ((حبك)) ..

ولكني لا أملك سوى .. حبك ..





غااااااااااااااليناا
كلمات رائعه وجميله

واحساسك مرهف وعذب

الله يعطيك العافيه ولا عدمنا جديدك

تقبلي شكلري وتقديري

تحياتي لك,,’’’

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عمـــــــــــــــــــــــــــــــــــــرى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عـطـــر ورود نــــغـــم الحيـــــاه :: الادبــــيـــه :: نغم الابـداعات خاصه-
انتقل الى: